'ကျိန်ခြင်းမှ ကောင်းချီးမင်္ဂလာသို့' ကျမ်းစာသွန်သင်ခြင်း အသံဒရာမာ

ခြုံငုံသုံးသပ်ချက်

ကမ္ဘာတစ်ဝှမ်းရှိ ခရစ်ယာန်များစွာက သမ္မာကျမ်းစာသည် အလွန်အရေးကြီးကြောင်း သိကြသည်။ သူတို့သည် သမ္မာကျမ်းစာကို အနည်းငယ်သိသော်လည်း ယင်း၏အဓိကသတင်းစကားကို မသိကြပေ။ ဝမ်းနည်းဖွယ်ရာမှာ ကျမ်းစာအားလုံးသည် မည်ကဲ့သို့ ကိုက်ညီ၍ ယေရှုခရစ်တော်၏ အံ့သြဖွယ်ကောင်းသော ဧဝံဂေလိတရား ဆီသို့ ကျွန်ုပ်တို့အား ပို့ဆောင်ကြောင်းကို မကြာခဏ နားမလည်ကြပါပေ။ ဆိုလိုသည်မှာ သူတို့သည် မိမိတို့၏ ခရစ်ယာန်အသက်တာတွင် မကြီးထွားဘဲ၊ မှားယွင်းသောဆရာများ၏ အန္တရာယ်နှင့် ရင်ဆိုင်နေရပါသည်။ 'ကျိန်ခြင်းမှ ကောင်းချီးမင်္ဂလာသို့' ကျမ်းစာလေ့လာခြင်းက ခရစ်ယာန်များ ကြီးထွားလာစေရန် ကူညီပေးသည့် နည်းလမ်းတစ်ခုဖြစ်ပါသည်။

်ခြင်းမှ ကောင်းချီးမင်္ဂလာသို့' က မည်သည့်အရာကို လုပ်ဆောင်သနည်း။

• သမ္မာကျမ်းစာကို အဖြစ်အပျက်ကြီးတစ်ခုအဖြစ် သွန်သင်ပေးသည်၊
• ယေရှုသည် သမ္မာကျမ်းစာ၏ အဓိကဇာတ်ကောင်ဖြစ်ကြောင်း သွန်သင်ပေးသည်၊
• ယေရှုအားဖြင့် ဘုရားသခင်၏ကျေးဇူးတော်နှင့်ဆိုင်သော ဧဝံဂေလိတရားသည် သမ္မာကျမ်းစာ၏ အဓိကသတင်းစကားဖြစ်ကြောင်း သွန်သင်ပေးသည်၊
• ကျွန်ုပ်တို့ကို ကောင်းချီးမင်္ဂလာရရှိစေရန် ယေရှု ကျိန်ခြင်းခံခဲ့ရကြောင်း သွန်သင်ပေးသည်၊
• ဥပမာ။ ကိုယ်တော်သည် ကျွန်ုပ်တို့၏ကယ်တင်ခြင်းအတွက် လက်ဝါးကပ်တိုင်တွင် အသေခံတော်မူခဲ့သည်။ ဂလာတိ ၃:၁၀-၁၄၊
• သမ္မာကျမ်းစာရှိ စာအုပ် ၆၆ အုပ်သည် ဤအဖြစ်အပျက်ကြီးတစ်ခုတွင် မည်ကဲ့သို့ ကိုက်ညီနေသည်ကို လူတို့အား မြင်နိုင်ရန် ကူညီပေးသည်၊
• ဘုရားသခင်၏ကျိန်ခြင်းအောက်တွင်ရှိသော ကမ္ဘာလောကတွင် နေထိုင်ပင်လျှင် ဘုရားသခင်က သူတို့ကို မည်ကဲ့သို့ကောင်းချီးပေးကြောင်းကို ခရစ်ယာန်များ နားလည်စေရန် ကူညီပေးသည်။
• “ဘုရားသခင်က အလွန်ကောင်းမြတ်လျှင် ဘဝအသက်တာက အဘယ်ကြောင့် အလွန်ခက်ခဲရသနည်း” ဟူသော မေးခွန်းကို အဖြေပေးသည်။
• ခရစ်ယာန်များအား ကောင်းမြတ်သော၊ ဘုရားသဘောရှိသော၊ ရည်ရွယ်ချက်ရှိ၍ ရွှင်လန်းသောအသက်တာကို ယခု အသက်ရှင်ရန် ကူညီပေးသည်။

'ကျိန်ခြင်းမှ ကောင်းချီးမင်္ဂလာသို့' က မည်ကဲ့သို့ လုပ်ဆောင်သနည်း။

• မိုဘိုင်းလ်ဖုန်းများတွင် အက်ပ်တစ်ခုကို အသုံးပြုသည်၊
• အောက်ပါ လက်တွေ့ဘဝဇာတ်ကောင်များစွာပါရှိသော အော်ဒီယိုဒရာမာတစ်ခု ဖြစ်ပါသည်၊
• ဘဝအသက်တာကို အတူတကွ တွေ့ကြုံခံစားကြသောသူ၊
• မိမိတို့၏အသင်းတော်သင်းအုပ်ဆရာနှင့် ကျမ်းစာလေ့လာခြင်းတွင် ပုံမှန်တွေ့ဆုံသောသူ၊
• စီးရီးမိတ်ဆက်နှင့်အတူ အပိုင်း ၁၂ ပိုင်း ရှိသည်။ အပိုင်းတစ်ပိုင်းစီက သမ္မာကျမ်းစာတွင်ရှိသော အဓိကအချက်တစ်ချက်ကို တင်ဆက်ထားသည်၊
• ပျော်စရာကောင်းပြီး ဆွဲဆောင်မှုရှိ၍ လူတို့ကို နားထောင်နေစေမည်ဖြစ်သည်။

သမ္မာကျမ်းစာသည် ကျွန်ုပ်တို့ ယုံကြည်ခြင်း၏အခြေခံဖြစ်သောကြောင့် ၎င်း၏ သ‌ဘော၊အသွားအလာ၊ နှင့် အဓိကဦးတည်ချက် တို့ကိုနားလည်ရန် အလွန်အရေးကြီးပါသည်။ သမ္မာကျမ်းစာသည် အမျိုးမျိုးသောကျမ်းဂန်များကို စုစည်းထားသော်စာအုပ် ဖြစ်သော်လည်း ၎င်းတို့အားလုံး၏ အဓိကရည်ရွယ်ချက်မှာ တူညီသောအရာပင်ဖြစ်သည်ဆိုတာ ယုံကြည်သူတိုင်း သိထားသင့်တဲ့ အရာဖြစ်ပါသည်။

သမ္မာကျမ်းစာကို နားလည်မှုမရှိခြင်းက ကျွန်ုပ်တို့အား မှားယွင်းသောသွန်သင်ချက်များဆီသို့ ဦးတည်သွားစေနိုင်သည်။ ဥပမာအားဖြင့်၊ ယုံကြည်သူများသည် ချမ်းသာပြီး ကျန်းမာရမည်ဟူသော သွန်သင်ချက်များ စသည်ဖြင့်.....

ဤ “ကောင်းချီးပေးဖို့ ကျိန်ဆဲခံခြင်း” သင်ခန်းစာသည် သမ္မာကျမ်းစာတစ်အုပ်လုံး၏ အဓိကရည်ရွယ်ချက်ကို ရှင်းလင်းစွာ ဖော်ပြပေးသော သင်ခန်းစာဖြစ်ပါပြီး၊ အပိုင်း ၁-၁၂ အထိ လေ့လာသင်ယူနားလည်သဘောပေါက်ခြင်းအားဖြင့် သမ္မာကျမ်းစာတစ်ခုလုံး၏ ဦးတည်ချက်ကိုနားလည်သဘောပေါက်လာမှာဖြစ်ပါသည်။

လာလ်ဗဲလျန်

သင်းအုပ်ဆရာ၊ ဓမ္မပညာကျောင်းဆရာ နှင့် မြန်မာပြည် ဓမ္မအမှူတော် သင်တန်းကျောင်း (ကျောင်းအုပ်)